tag:blogger.com,1999:blog-10611410643474780062011-11-05T05:36:58.247+03:00Eman Hashimhttps://profiles.google.com/112147943848374076080noreply@blogger.comBlogger41100tag:blogger.com,1999:blog-1061141064347478006.post-36489848560729493952008-05-18T13:51:00.003+03:002008-06-03T00:48:50.962+03:00<div style="text-align: right; color: rgb(102, 51, 51);"><span style="font-size:130%;">المكان : بيت زهرة و مريخ<br />الزمان: بليل .. بعد يوم طويييييييل للاتنين<br /><br />مريخ مرمى قدام التليفزيون و فارد رجليه .. حاطط اى قناة و مش بيتفرج اوى يعنى<br />زهرة داخلة تعبانة<br /><br /><span style="color: rgb(102, 102, 0);">زهرة: آخر افتكاسات المدير ابن اللاذينا .. عايزنى اعمل نص شغل سكرتيرته..امال هى الشملولة لازمتها ايه؟</span><br /><span style="color: rgb(153, 51, 0);">مريخ( مش باصص فى اتجاه معين): آه .. المديرين كده</span><br /><span style="color: rgb(102, 102, 0);">زهرة: لأ و ايه الهانم دى بتاخد مرتب قد كده على قاعدتها فى التكييف</span><br /><span style="color: rgb(153, 51, 0);">مريخ: طب ماتقوليله</span><br /><span style="color: rgb(102, 102, 0);">زهرة ( بحماس اكتر) : مانا قلتله!! قال ايه انا لازم تبقى مصلحتى على الشغل و كله للمصلحة العامة</span><br /><span style="color: rgb(153, 51, 0);">مريخ ( عينيه نص مقفولة) : امممممم</span><br /><span style="color: rgb(102, 102, 0);">زهرة ( و الغيظ فى عينيها) : اوحش حاجة المدير اللى يسيب الناس تطأش فى بعضيها و هو مالوش دعوة .. امال انت مدير بأمارة ايه ان شاء الله</span><br /><span style="color: rgb(102, 102, 0);">زهرة: انت عملت ايه مع بتاع الحسابات ده؟</span><br /><span style="color: rgb(153, 51, 0);">مريخ: عادى</span><br /><span style="color: rgb(102, 102, 0);">زهرة: عادى يعنى ايه يعنى؟ عملت ايه؟؟ حصل ايه؟؟</span><br />---مريخ مش بيرد----<br /><span style="color: rgb(102, 102, 0);">زهرة: انت فى ايه؟؟ مش بترد عليا ليه؟</span><br /><span style="color: rgb(153, 51, 0);">مريخ: مانا برد اهه</span><br /><span style="color: rgb(102, 102, 0);">زهرة: امال يعنى اروح اكلم الجيران</span><br /><span style="color: rgb(153, 51, 0);">مريخ ( خلاص بيجعر): ياااااااااااا زهرة ... يااااااااااازهرة ... عشرين الف مليون مرة قلتلك انا باجى اخر اليوم انبوبتى بتفضى .. ارحمى اهلى ... يا ساتر</span><br /><span style="color: rgb(102, 102, 0);">زهرة (بتصرخ): يعنى ايه يعنى؟ امال انا اتجوزت ليه؟</span><br /><span style="color: rgb(102, 102, 0);">زهرة ( طبعا بتعيط): انت مش بتتكلم معايا خالص .. انا مش عارفة مالك</span><br /><span style="color: rgb(153, 51, 0);">مريخ ( هيرمى نفسه من البلكونة) : يا ستى نتكلم .. بس مش وانا ليسة جاى من برا</span><br /><span style="color: rgb(102, 102, 0);">زهرة: مانا ليسة جاية انا كمان .. و من الشغل برضه..بس انا جاية جرى عايزة احكيلك اللى حصل كله كده و تحكيلى .. مشاركة يا بنى آدم</span><br /><span style="color: rgb(153, 51, 0);">مريخ: ماشى يا ستى نتشارك .. بس مش الساعة ستين بليل .........الرحمة حلوة</span><br /><span style="color: rgb(102, 102, 0);">زهرة ( بمنتهى الاحساس بالقهرة): رحمة؟؟؟!!!! ...لأ..انا هارحمك خالص يعنى</span><br /><br />زهرة مشيت للأودة و رزعت الباب<br /><br />تمت<br /></span></div><div class="blogger-post-footer"><img width='1' height='1' src='https://blogger.googleusercontent.com/tracker/1061141064347478006-3648984856072949395?l=zahramaree5.blogspot.com' alt='' /></div>Eman Hashimhttps://profiles.google.com/112147943848374076080noreply@blogger.com15tag:blogger.com,1999:blog-1061141064347478006.post-16570704001051142332008-05-13T17:39:00.003+03:002008-05-13T18:12:36.031+03:00<div style="text-align: right; color: rgb(102, 51, 51);"><span style="font-size:130%;">المكان : فى بيت زهرة و مريخ<br /><br />الزمان: الساعة 11 بليل<br /><br />العيال ناموا بعد معركة العربى و ملحمة الدراسات و انقلاب العلوم العسكرى<br /><br />زهرة بتغسل المواعين و هى ساندة كوعها على الحوض عشان مش قادرة تقف<br /><br />مريخ قاعد قدام التليفويون .. كرشه طالع من الفانلة ... بيقلب بين القنوات<br /><br />الاول ميلودى آريبيا و بعدين هيتس و بعدين زوم<br /><br /><span style="color: rgb(153, 51, 0);">مريخ: .ايه ده؟؟.... ايه الحلاوة دى؟...... ايوة كده ... هى دى الستات ... يالله .... ربنا يرحمنا برحمته</span><br /><br />زهرة بترفع شعرها من حوالين وشها بدراعها اللى اتبل من غسيل المواعين و بتلم الاطباق و الكوبايات اللى فاضلة عشان تغسلهم<br /><br />نظرة بين زهرة و مريخ<br /><br /></span><div style="text-align: center;"><span style="font-size:130%;">مريخ قاعد مبوز و هم الدنيا راكبه<br />زهرة معكوشة و منكوشة و التعب واكل ملامحها<br /><br /></span><div style="text-align: right;"><span style="font-size:130%;"><span style="color: rgb(102, 102, 0);">زهرة بتوطى تجيب كوباية من الارض و بترفع جسمها بكل بطىء: عايز حاجة قبل مانام؟</span><br /><br /><span style="color: rgb(153, 0, 0);">مريخ: اعمليلى شاى !!!</span><br /><br /><br /><br />و الصمت ملا المكان</span><br /></div></div><span style="font-size:130%;"><br /></span></div><div class="blogger-post-footer"><img width='1' height='1' src='https://blogger.googleusercontent.com/tracker/1061141064347478006-1657070400105114233?l=zahramaree5.blogspot.com' alt='' /></div>Eman Hashimhttps://profiles.google.com/112147943848374076080noreply@blogger.com9tag:blogger.com,1999:blog-1061141064347478006.post-15905330125505011822008-05-09T04:17:00.002+03:002008-05-13T18:13:46.985+03:00<div style="text-align: right;"><span style="font-size:130%;">المكان: مكان لطيف فى مصر<br />الزمان: ساعة صفا فى اى يوم<br /><br /></span><div style="text-align: center;"><span style="font-size:130%;">زهرة و مريخ خارجين سوا</span><br /></div><span style="font-size:130%;"><br /><span style="color: rgb(102, 0, 0);">مريخ: هتاخدى ايه؟</span><br /><span style="color: rgb(153, 153, 0);">زهرة: مش عارفة .. الفراخ شكلها ظريف</span><br /></span><div style="text-align: center;"><span style="font-size:130%;">بعد شوية و هما بياكلوا</span><br /></div><span style="font-size:130%;"><br /><span style="color: rgb(153, 153, 0);">زهرة: الاكل حلو و انا كنت جعانة</span><br /><span style="color: rgb(102, 0, 0);">مريخ: طب كويس</span><br /><span style="color: rgb(153, 153, 0);">زهرة: انا عطشت ... استنى كده .. لو سم...</span><br /><span style="color: rgb(102, 0, 0);">مريخ تبريقة شريرة فى عينيه : ايه اللى انتى بتعمليه ده؟</span><br /><span style="color: rgb(153, 153, 0);">زهرة يا عينى مش فاهمة: فى ايه؟</span><br /><span style="color: rgb(102, 0, 0);">مريخ: انتى قاعدة مع جردل؟؟</span><br /><span style="color: rgb(153, 153, 0);">زهرة: ايه يا مريخ فى ايه - البت اتخضت فعلا-</span><br /><span style="color: rgb(102, 0, 0);">مريخ: ازاى تنادى الراجل و انا قاعد معاكى يعنى؟</span><br /><span style="color: rgb(153, 153, 0);">زهرة: يا سلااااااام... و فيها ايه دى؟ عايزة اشرب , قلت اناديه يجيبلى حاجة اشربها</span><br /><span style="color: rgb(102, 0, 0);">مريخ: تقوليلى و انا انديهولك</span><br /><span style="color: rgb(153, 153, 0);">زهرة: ليه ان شاء الله.. و انا ناقصة لسان؟</span><br /><span style="color: rgb(102, 0, 0);">مريخ: ماتتعوديش تجادلى فى كل حاجة كده</span><br /><span style="color: rgb(153, 153, 0);">زهرة: طب فهمنى طيب</span><br /><span style="color: rgb(102, 0, 0);">مريخ: يييييييييييى يا زهرة.. انتى هايجرالك ايه طيب اما تريحينى فى حاجة زى دى؟ هايخس عليكى ايه؟</span><br /><span style="color: rgb(153, 153, 0);">زهرة: طب مانا طول عمرى باقول على اللى انا عايزاه</span><br /><span style="color: rgb(102, 0, 0);">مريخ: ده قبل الوضع الحالى</span><br /><span style="color: rgb(153, 153, 0);">زهرة: يعنى لو صحاب اكلم الرجالة قشطة لكن لو مخطوبين انت تكلمهم بلسانى؟</span><br /><span style="color: rgb(102, 0, 0);">مريخ: زهرة .. بلاش الطريقة دى</span><br /><span style="color: rgb(153, 153, 0);">زهرة: طريقة ايه يا مريخ .. انت مش شايف بتقول ايه؟</span><br /><span style="color: rgb(102, 0, 0);">مريخ: اشمعنا ماقولتيش كده اما فتحتلك باب العربية ؟ لأ و انبسطتى اوى؟</span><br /><span style="color: rgb(153, 153, 0);">زهرة: ايوة ده دلع... فى فرق بين انك تدلعنى و انك عايز تكلم الرجالة بلسانى</span><br /><span style="color: rgb(102, 0, 0);">مريخ: ماهو اللى هواكى هيبقى دلع و اللى مش عاجبك هايبقى كتمة</span><br /><br /></span><div style="text-align: center;"><br /><span style="font-size:130%;"> اتضربDateال</span><br /></div></div><div class="blogger-post-footer"><img width='1' height='1' src='https://blogger.googleusercontent.com/tracker/1061141064347478006-1590533012550501182?l=zahramaree5.blogspot.com' alt='' /></div>Eman Hashimhttps://profiles.google.com/112147943848374076080noreply@blogger.com9tag:blogger.com,1999:blog-1061141064347478006.post-91059193777219586802008-05-08T09:16:00.000+03:002008-05-09T04:07:19.278+03:00<div style="text-align: right;"><span style="font-size:130%;">بصوا بقى ... الاول كده لازم تعرفوا الحدوتة<br />زمان ..زيى زاى ناس كتير ... قريت كتاب "الرجال من المريخ و النساء من الزهرة" . و فى معرض الكتاب اللى فات لقيت طبعة جديدة من السلسلة و بدأت اقراه تانى.<br /><br />الرجل جون جراى ده فعلا عنده حق .. بس ساعات كنت بحس الامثلة مش راكبة علينا او التطبيقات مش دقيقة<br />قلت بس .. انا هاحكى حكاية زهرة و مريخ ( النسخية المصرية لجيل الالفية ) - حتة اسم - ههههههه<br /><br />فى الاول خالص فكرت ان زهرة و مريخ يبقوا شخصيتين ثابتين ... بس لقيت ان عشان شخصية مريخ تبقى موضوعية لازم يبنيها راجل... فقلت لنفسى و ليه لأة؟<br /><br />بدأت رحلة البحث فى كل اللى اعرفهم و اللى ماعرفهمش عن حد يتولى شخصية مريخ<br />انا اكتب زهرة<br />و هو يكتب مريخ<br />و كان مطلوب فيه المواصفات الآتية:<br /><br />1- يهوى الكتابة<br />2- مهتم و له وجهة نظر فى حوار الرجالة و الستات<br />3- فى الفئة العمرية من 25 الى 30 عشان من سنى لضمان ان الاختلاف الوحيد يكون فى كونه راجل و كونى ست و مايكونش السن عامل بعد فكرى<br />4- دماغه ماتكونش اللى هو بايظة اوى عشان نعرف نتفاهم و برضه مش الوهم عشان تتوجد الخلافات اللى نقدر نشارك الناس فيها<br />و قلت بس .. انا الاقيه و بعدين نبدأ نروح كل حتة و نتكلم فى كل حاجة و نسجل الحواديت دى<br /><br />بعدين قلت لروحى طب ماهو لو الشخص المعجزة ده كان اصلا موجود ماكانش هايبقى فى مشاكل تانية كتير ...ههههههههه<br /><br />فخلاص ... هنمشيها زهرة و مريخ من عندى انا ... حتى كده هاتكون اثرى لانها بتتكلم عن كذا زهرة و عن اكتر من مريخ<br /><br />بس فى حاجة ... انا هاقول الكلام المريخى زى ماهو .. حتى لو بان كلام عجيب و غير منطقى<br />ماهو ان شاء الله اما نتكلم و نقرا و نكتب مريخى و هم يتكلموا و يسمعوا زهرى ... جايز ... جايز نفهم اى حاجة<br /><br />و مش عايزة حد من معشر آل مريخ ييجى يقوللى مفيش الكلام ولا احنا مش بنعمل كده.. انا مريخ مش هايبقى من نسج خيالى.. كل مرة هايكون مريخ انا شفته او سمعته<br /><br />و عايزاكم كل مرة انتوا اللى تقولولى ممكن يكون فين الحل بين رزة و ميخا<br /><br /><br /></span></div><div class="blogger-post-footer"><img width='1' height='1' src='https://blogger.googleusercontent.com/tracker/1061141064347478006-9105919377721958680?l=zahramaree5.blogspot.com' alt='' /></div>Eman Hashimhttps://profiles.google.com/112147943848374076080noreply@blogger.com3